「處女」捐血晒長腿 湯怡唔知陳家樂甩拖

2018年06月14日 17:41
東網電視
更多新聞短片
湯怡指對好友陳家樂「被分手」一事全不知情。

藝人方力申(小方)及湯怡(Kathy)出席電台捐血活動,其中Kathy身穿短褲大騷長腿,受訪時問到二人可曾有捐過血?Kathy表示今次是「處女」捐血。問到Kathy可有關心剛「被分手」的好友陳家樂?Kathy突然變得嚴肅自稱全不知情,都是昨晚睇報道才得悉:「都冇刻意去問佢發生咩事,如果佢想傾訴都會樂意聽。」之前陳家樂睇主演的《某日某月》時哭着離場,是否關分手一事?她續指:「關於佢哋呢個事件,我局外人唔回應咁多,等佢哋兩個回應番。(有冇同佢傾感情事?)冇呀,大家都係講工作上嘅嘢,感情上大家都好低調。」

至於身旁的小方亦指好少參與捐血,又笑話剛接受檢查被問好多私人問題:「依家捐血好高要求,啱啱問我有冇伴侶,我即刻話冇,幾快答得,跟住佢就話後面嗰啲唔使答。」怕唔怕見血?小方搶答話怕怕:「如果係捐血唔怕,但係意外嗰啲(血),我會暈㗎!試過仆親流血不止。」至於Kathy就話見到血會驚,不過為捐血都會克服。