何麗全復辦亞姐:好有信心有錢賺

20180614
東網電視
更多新聞短片
何麗全對復辦亞姐有信心有錢賺。
亞視今年一月以手機應用程式App及網絡電視機頂盒OTT廣播復活,適逢亞洲小姐30年,亞視今年將復辦「亞姐」,「大中華賽區」20多個賽區如北京、重慶、南京和成都等地今日率先啟動報名儀式,不同賽區會進行預選,香港賽區則於7月舉行招募,8月初在香港舉行,到11月將集齊大中華、海外及香港三個地區進行總決賽。
亞視首席內容官何麗全今日在啟動儀式上透露,亞姐參選條件首要成年和未婚:「今年亞姐復辦,總決賽邊度做未知,未必喺內地,可能喺海外。(亞姐投資預算?)要下個月先公布。(參選條件?)佳麗要係香居民、未婚、成年,有年齡上限,但詳情要下個月先公布,一班佳麗今年會到海外受訓,包括化妝、儀態等訓練,之後先會進行決賽。」
深圳開辦演藝培訓中心
由於亞視早前被傳裁員及財困,問今次復辦「亞姐」可有信心收支平衡?何麗全稱:「其實亞視員工係自然流失,稍後有新節目會再聘用之前員工,目前亞視8月會進入重組階段,會有新節目推出,請人亦不斷進行,7月亞姐亦需要請人幫手,至於亞姐方面亦很有信心吸納廣告客戶,好有信心有錢賺。」
另外,更公布亞視成立「亞視(深圳)演藝培訓中心」,何麗全解釋:「亞視投資佔大部分,宗旨以發掘人才為目標,今日開始接受報名。(學費多少?)未定案!每個學員都有機會喺每個星期嚟香港實習,畢業學員亦有機會簽約亞視。」
----------------------------
東網巨星開咗ig喇,大家快啲follow啦!