34歲楊丞琳扮學生妹 網民激讚

2018年06月14日 19:34
東網電視
更多新聞短片
34歲楊丞琳仲扮到高中生。

台灣女星楊丞琳出席時裝品牌MAX MARA活動,她表示最近忙於為新劇《前男友不是人》宣傳,以及廣告、商演等工作。對於網民大讚現年34歲的她在劇中扮演高中生依舊神似,她表示為此做了不少功課:「我睇番以前嘅相同影片,同埋高中生嘅說話方式。(覺得依家嘅你變咗好多?)睇番以前嘅自己好怕醜,係細路女,高中生嘅時候就想打扮得成熟。」

素顏上陣更年輕

問會否再飾演學生?她表示要因應角色而考慮,同樣角色就不會再演,坦言是個大挑戰。問到男友李榮浩有否讚她Keep得好?她答非所問,指觀眾對其穿制服的評價甚高,又稱自己在劇中素顏上陣,突顯年輕效果。

被指「整得自然」

提到早前參與黃子佼主持的節目,被對方指「整得自然」,楊丞琳指黃子佼只是開玩笑,但直言玩笑開過頭,問到有否嬲對方時,她坦言沒有:「知道佢係講笑,而我真係自然,佢都有同我講,話如果係其他人就唔會敢講。」

同阿嬌係好朋友

問到工作過後會否約好友鍾欣潼(阿嬌)相聚?她表示稍後就要到機場趕回台灣,未能與對方會面。提到有網民質疑她與阿嬌的友誼,她說:「無聊,我哋仲係好朋友。(12月會出席香港舉行嘅婚禮?)我會,等緊佢畀日子我,排除萬難都會出席。(送咩禮物?)包利是,可以買咩都得,最實際。」她透露與其他朋友電話有群組,指阿嬌在美國婚禮當日,早已看到相片,感受到幸福的喜悅:「尤其見到阿Sa(蔡卓妍)嘅反應, 因為自己都係組合出身,好有同感。」


----------------------------
東網巨星開咗ig喇,大家快啲follow啦!
 https://bit.ly/2JjSVcr