父子裝放閃!56歲杜德偉開Turbo再造人
20180614
東網電視
更多新聞短片
杜德偉孖仔仔晒父子裝。
56歲歌手杜德偉(Alex)自囝囝Alex Junior出世後,愈來愈型,相信有賴歲半大的得意仔日日氹他開心。快將父親節,兩仔爺更穿上父子裝放閃!Alex日前受訪時,稱去年因工作而錯過和兒子過節,今年終於可趕及回港,一家三口首次正式慶祝父親節:「會食餐飯,阿仔太細個,只要佢叫聲爸爸,錫啖我已經好冧!佢好叻呀,會識黐個頭仔過嚟,仲會同我嘴對嘴錫,佢一擘開眼就會叫爸爸,有時媽咪買件衫畀佢,問佢邊個買㗎?佢都會答爸爸,佢係叫爸爸先過媽媽。」
Alex分享其湊仔樂,表示會親自帶囝囝返Playgroup上堂,現時已識英文單字及廣東話。他更透露想為囝囝添弟妹,而勤力「造人」:「今晚就努力!生仔、生女都冇所謂。」他指曾聽過長輩說,父親離世後仍會留下痕迹,自覺愈來愈似在天堂的爸爸,而囝囝就似自己,並笑言:「囝囝好似我Daddy,可能係我爸爸轉世。」
----------------------------
東網巨星開咗ig喇,大家快啲follow啦!