阿嬌孖老公撐場!張敬軒扮女人晒「冇毛腳」

2018年06月14日 21:45
東網電視
更多新聞短片
張敬軒紅館騷開鑼啦!

歌手張敬軒(軒仔)一連六場假紅館「HINSIDEOUT張敬軒演唱會」今晚正式開鑼,於圈中出名人緣好的軒仔獲不少好友現身撐場,包括有老闆楊受成、經理人霍汶希、容祖兒媽媽、鄭欣宜、王灝兒(JW)與男友、蔡一傑、陳慧敏、溫碧霞等,以及鍾欣潼(阿嬌)與老公賴弘國情侶裝到場,現場星光熠熠!

是次演唱會的設計為四面台,晚上8時33分正式開騷,全場歡呼「等候」軒仔出現。未幾,戴上銀色「掃把頭」、身穿啦啦球「女裝」衫配熱褲的軒仔與一眾Dancers上台載歌載舞,現場即時尖叫聲四起,此裝束配以一雙「冇毛腳」,女人味十足,驚喜度爆燈!

曾表示是次演唱會包含兩個騷的軒仔,先以一連串快歌Medley為「降兩度演唱會」打頭陣,有《Crazy in Love》、《失戀》、印度歌《Jai Ho》等,唱至韓文歌《No Body》時,軒仔模仿其舞步,又高呼︰「大家一定識呢首歌,一齊起身唱!」熱鬧非常!