傳授多仔秘笈 Bob湊仔成頭煙:係上天獎勵

2018年06月14日 21:45
東網電視
更多新聞短片
「湊仔實錄」大公開呀!

一臉福相的林盛斌(Bob)為圈中數一數二的「多仔公」,擁三女一子林霏兒(10歲)、林熹兒(6歲)、林機兒(3歲)及林道申(10個月大)的他,每天出外忙工作,回家就忙湊仔女,生活相當「充實」!

嗌爹哋樂此不疲

Bob日前便公開「湊仔實錄」,短短一小時,要餵細女食飯,幫二女梳頭,之後再氹睡醒了扭抱嚎哭的細仔,正當他忙不過來之際,大女霏兒放學回來,剛巧因小事鬧情緒,Bob又要細心地開解。雖然整個過程有傭人姐姐在旁幫忙,但四個仔女最愛的當然是爸爸,「爹哋、爹哋」叫個不停!難得Bob樂此不疲,更笑言這是上天恩賜的聲音:「聽見佢哋叫我,同埋睇住佢哋由啱啱出世到識爬、識行路,見證住佢哋嘅成長過程,係一件非常幸福嘅事,當然湊大佢哋嘅過程,都會有壓力同佢哋會曳曳,但都係一啲情趣嚟,亦係上天畀我嘅獎勵。」

難忘首個父親節

身為圈中多仔公的Bob透露不少人向他請教生B秘笈,當中不乏圈中夫婦,他還誇口笑言:「呢兩年有幾對星級夫婦有小朋友,都要多謝我㗎!」Bob直言亦有不少朋友「豪送」調理身體的秘方給他,但他不知真偽,故不便公開。

父親節將至,問Bob覺得過往哪一個父親節最難忘?他說:「都係大女出世後過嘅第一個父親節,因為第一次做爸爸,抱住個女感覺好幸福!」至於今年正日因為有工作,所以他早前特別包了一間餐廳,與父親、岳父及屋企人提早慶祝,相當熱鬧!