張敬軒「降兩度」現身畀仔𥄫到高潮

2018年06月14日 21:50
東網電視
更多新聞短片
張敬軒「降兩度」現身!

歌手張敬軒(軒仔)紅館騷開鑼,軒仔扮女聲以「降兩度」身份高音向Fans打招呼,講「Thank You」,在場Fans報以「Woo」的歡呼聲兼大嗌讚軒仔好靚,他續問︰「見過咩叫天后未呀?唔係銅鑼灣隔籬嗰個喎,歡迎大家來到降兩度演唱會2018!」他邊鞠躬邊用手遮住背後下半身防走光︰「真係唔好意思,原來紅館咁多人㗎喎,就算今晚張敬軒嘅老闆喺度我都照講㗎啦,如果係張敬軒邊開到六場呀?邊個係嚟睇降兩度嘅?」隨即現場掌聲如雷。

喪畀仔𥄫

「降兩度」再抵死笑話︰「每一個歌手的第一個演唱都好難忘,我第一次嚟紅館見到陌生嘅你哋,見到啲男士眼甘甘望住我,真係高潮呀!係演唱會嘅高潮!」又指演唱會總會有「Quick Change」環節,要將呢一部分擺上舞台面︰「哎呀﹗唔好意思呀,我中文唔好,薛凱琪成日都咁講㗎!依家歡迎我啲Dressers上嚟…」誰知並沒有所謂的「Dressers」上台,只見一袋裝滿衫的紅色膠袋,「降兩度」不禁撒嬌問︰「導演,點解我袋衫喺度呀?」惟有死死氣行到紅色袋隔籬,踎低從袋中中拎出一件閃閃外套,邊着邊話︰「唔好意思,我走光!為咗今晚演唱會做咗件人生大事,就係剃腳毛剃咗個幾鐘呀,大家畀啲掌聲我﹗」此時,有台下Fans大嗌話︰「女人冇腳毛㗎喎!」即「降兩度」反撃話︰「女人生鬚都有呀,信唔信你帶我返屋企呀,聽日啲鬚拮死你呀!」說畢就唱出《我本人》。

扮「香港小姐」

唱完後,「降兩度」披上白色袍,送上后冠及以燒烤叉做權杖扮「香港小姐」,「降兩度」搞笑向台下Fans飛吻兼繞場一周,期間唔小心踩到袍尾,差啲跣腳跌低,又講出感言︰「多謝大家,自己會不斷復出同埋暫別樂壇,希望大家唔好唔記得我﹗」最後完成頭Part降落台換衫。

----------------------------
東網巨星開咗ig喇,大家快啲follow啦!
https://bit.ly/2JjSVcr