陳雅麗唔介意被誤認龔嘉欣:當畀大家認識我

2018年06月14日 23:00
東網電視
更多新聞短片
又真係有啲似喎!

有份演出賀歲片《西遊記女兒國》的藝人陳雅麗(Allie)日前為親子品牌拍廣告,更要與3歲大的女童和只有6個大的B女一齊拍攝造型照做對手戲,她坦言雖有難度,但仍可以應付﹕「我之前喺內地拍電視劇都試過同一個六歲嘅男仔拍戲,我發覺演戲嘅小朋友真係非常之聰明,叫佢哋喊就即刻喊,笑就即刻笑,完全係開工mode,所以同細路仔拍戲其實都幾ok。不過我其實唔係好有抱BB嘅經驗,同埋原來依家嘅BB都幾大隻,哈哈,都有啲重量,好彩最近都有做健身,抱完都覺得自己手瓜起𦟌!」

拍攝時亦發生小插曲,不止一位途人認錯Allie是龔嘉欣,上前打算「集郵」才發現是人有相似,她直言曾經被很多人「點錯相」,不過Allie都不介意,事後Allie還禮貌地向途人介紹一下自己:「龔嘉欣係靚女,似佢當然開心啦。試過好多次畀人認錯,我都會同佢哋介紹番我叫陳雅麗,我覺得咁樣都係畀大家認識我嘅一個機會。其實好多內地編劇同導演都唔知我係香港人,以為我係上海人,接拍《西遊記女兒國》時,我同苑瓊丹自我介紹,佢好奇怪問我係咪香港人。」