男友掛住食雞！駱胤鳴失調暴肥暴瘦
20180614
東網電視
更多新聞短片
咁驚？
組合SIS樂印姊妹成員駱胤鳴（烙印）明日（15號）27歲生日，日前佢提前舉行生日會，同家姐駱胤樺、前DJ科林以及歌迷等提前慶祝生日，在生日會上烙印唱出多首歌曲，更獲歌迷送上多份禮物，最後更齊齊切蛋糕！
講到生日願望，烙印話希望工作順利同身體健康，因為現時將會喺書展推出新書嘅佢，正晚晚開夜車趕工，壓力好大：「呢排身體易肥易瘦，但我冇刻意減肥，我可以前日110磅，尋日就100磅。（個磅壞咗？）冇壞，真係身體唔舒服，應該係失調，但我冇時間睇醫生。（忙緊咩？）寫緊一本十二星座愛情小說，依家埋緊尾，每日都係下午一點開始，然後寫到天光。」烙印又投訴男朋友掛住「食雞」（指遊戲《絕地求生》）冇理佢：「有日我開個遊戲睇下佢有冇上線，點知發現科林add我做朋友，我嬲到拒絕佢，因為科林成日同我男朋友食雞。」點知身旁嘅姐姐駱胤樺聽完竟然話：「我都冇理佢（駱胤鳴），佢自己搞得掂。」
至於身為嘉賓嘅科林就話預備自己做生日禮物，又話嚟緊會推出新嘅Rap歌做樂壇新人：「我想挑戰做最唔似Rapper嘅KOL新人。」
----------------------------
東網巨星開咗ig喇，大家快啲follow啦！