唔收男學生 鄧穎芝嘆任健身導師收入少

2018年06月14日 23:24
東網電視
更多新聞短片
鄧穎芝最近忙健身外亦開始接收學生。

藝人鄧穎芝(Vangie)、趙碩之、可嵐、莊思敏與李綺雯等到尖沙咀出席電影首映禮,Vangie表示最近忙健身外亦開始接收學生,為健身班擔任導師,直言:「我發現興趣唔可以當飯食,我只係教咗一堂已經聲沙沙,因為要同啲音樂鬥大聲,又只係賺到幾百蚊,出外面接唱歌工作都有五位數,所以健身導師呢份工作都唔可以當係正職住。不過依家教咗3、4堂,有學生同我講佢已經瘦咗兩磅,我聽到都覺得好開心。」

提到健身導師收入應該不少?Vangie透露:「雖然一班有16個學生,不過我都係受薪於學校,所以都賺唔多。不過我依家係一星期教一個鐘,如果全職教收入都會幾可觀。(只收女學生?)暫時唔收男學生住。(怕男學生唔專心?)唔會啦,我都冇嘢睇!因為男仔通常要大隻,或者鋼條型身材,同女仔教法好唔同,都有男仔問我會唔會開男班,但就唔會撈埋教。」