方力申教游水 𡃁妹拒絕請食檸檬

2018年06月15日 00:00
東網電視
更多新聞短片
方力申教小朋友游水,是想將永不言棄的精神傳承給下一代。

現年38歲的藝人方力申,投資逾百萬開設的游泳學院終於開幕。擔任校長的他,自爆首次創業即被父親睇死,近日他落手落腳連續做了三日助教,以示實事實幹:「爸爸都好鼓勵我,但佢嘅鼓勵方式係用激將法,佢會話:『睇你都做唔住』,佢係驚我唔堅持,驚我放棄。其實我預咗蝕一年,我個拍檔好好,話預咗蝕兩年,依家每個月皮費開支要20萬,游水又有旺季同淡季。(你有過億身家唔怕?)佢講之嘛!唔掂就賣自己收藏啲畫。」

他透露做了三日助教教的都是小朋友,目的希望與每個學生見面,做助教不會另外收錢,覺得收錢唔型:「講真大人容易教啲,嗰次教嗰班小朋友由3歲至11歲,小朋友要氹,又冇咁專注,有個女仔話要另一個教練唔要我,請我食檸檬,人生未試過畀人拒絕,冇乜幾可!」

盼學生破自己紀錄

香港泳隊出身的方力申,一直是200米背泳和400米個人四式的香港紀錄保持者,他希望將來由自己的學生突破自己的紀錄。小方自言對教練要求特別高,一律只招攬前運動員組班。他亦是運動員出身,接受過艱苦訓練,性格腳踏實地,希望透過游水,將不輕言放棄的精神傳給小朋友。他又會與慈善團體合作,將來帶泳隊做外地探訪,及邀請本地及世界級泳將作示範。

----------------------------
東網巨星開咗ig喇,大家快啲follow啦!
https://bit.ly/2JjSVcr