搵伍允龍練功 王浩信孖詩詠「再續前緣」

20180615
東網電視
更多新聞短片
好期待呀!
去年視帝王浩信與視后唐詩詠自奪獎後各有各忙,但兩人即將開拍劉家豪新劇《解決師》,可謂「再續前緣」!該劇於月底正式開工,飾演黑幫殺手的浩信近日不斷練功及操Fit身形,全身肌肉變得相當結實!浩信為做到最好,私下請來好友伍允龍助他練功,認真又勤力。
呻增磅有難度
浩信接受訪問時坦言今次繼《不懂撒嬌的女人》後再跟詩詠合作,但今次角色大倒轉,由上次的「暖男」變身型格硬朗男子漢:「對於我哋嚟講,都希望有啲新嘅化學作用,我都擔心係唔夠火花嘅,所以依家手頭上一攞到任何資料,我哋都會不斷研究,睇吓點樣可以再做好啲。」他透露現時一有時間便練功夫,除了請得伍允龍教導之餘,又找來武術老師補課:「其實動作嗰度都有難度,我想身形重磅啲,但因為不斷練功夫,運動量都好大,一路想加磅數,做運動又減番!」
提到監製劉家豪繼《溏心風暴3》後開拍第二套劇,同樣找來浩信擔演,浩信坦言獲對方信任感開心,所以會全力以赴,不令對方失望。至於唐詩詠接受訪問時坦言對於與浩信第二次合作,充滿期待。