隨時被捕!Robbie世界盃開幕舉中指

2018年06月15日 00:56
東網電視
更多新聞短片
點解要舉中指呢?(美聯社)

【更新內容】

四年一度嘅世界盃又嚟啦!揭幕戰由東道主俄羅斯對沙特阿拉伯,賽前開幕儀式其中一位表演嘉賓Robbie Williams,喺表演過程中突然對住鏡頭豎起中指,呢個動作透過直播令到全世界人都睇到,真係夠晒震撼!

從Robbie堅定嘅眼神中,睇得出佢一定知道自己做緊乜,絕對唔係冇意識咁做,究竟點解佢要將呢隻中指送畀全世界呢?細查之下發現,原來喺開波前佢接受訪問話好開心受到邀請做世界盃表演嘉賓,當時仲話會喺開幕儀式中留下令人難忘嘅表演,相信佢講緊嘅就係呢個動作!

難忘就係難忘,不過就擺明教壞細路,Robbie表演後即於社交網狂收負評,不少網民鬧爆佢冇道德,更有人形容佢嘅演出為世界盃史上最差,有家長亦開火:「搞咩?我同小朋友一齊睇點知就發生咗咁嘅事(舉中指一幕)!」唔止被批評變「負皮王」,有外媒更指Robbie如果被俄羅斯有關當局證明存心以中指作出侮辱的話,可能面臨被捕,或因敗壞公共道德罪而被罰款約62,000港元。

據外媒報道,喺公布開幕儀式表演嘉賓名單中發現有Robbie Williams個名嘅時候,有英國官員就透露好擔心,因為怕有「壞孩子」之稱嘅Robbie會喺儀式上做出格嘅舉動,點知真係畀呢位官員講中!

----------------------------
東網巨星開咗ig喇,大家快啲follow啦!
https://bit.ly/2JjSVcr