重口味MV獲好評!雷深如:下次再盡啲

2018年06月15日 01:30
東網電視
更多新聞短片
網民都大讚呀!

歌手雷深如(J.Arie)若隱若現小蠻腰、帶同創作新歌《神奇女俠》現身電台宣傳,對於其重口味MV獲正面迴響,她開心表示出乎意料:「香港人接受能力都幾高,原來大家都係想睇啲創新思維嘅嘢,唔係齋『咪咀』同好唯美嘅MV,新歌係2000年R&B曲風,用咗好大反差表達主題,好多人都覺得好有驚喜,怪都係一種美。」

J.Arie笑言「怪誕」未嘗唔係一條新血路,仲揚言:「覺得今次玩得唔夠盡,下次再盡啲。」不過她又指亦有Fans覺得故事背後悲哀又心酸,因為要死後才可以隨心所欲做自己想做的事,加上又有眼利Fans睇MV時聯想到敏感題材:「臨尾推出一個粉紅色Gip,同最近一單新聞有少少連繫。(係你本身意思?)係成個團隊都有呢個諗法,想帶出女性自主,估唔到有細心嘅觀眾Read到。」她續指希望往後再拍更多有心思的作品。

最近一直為新歌宣傳的J.Arie表示,已有好幾首新歌得到Approve,希望可以嘗試更多風曲,並不單止唱抒情慢歌,她又指希望可以於年尾開騷,但現時主要安排多啲Live表演小試牛刀。
----------------------------
東網巨星開咗ig喇,大家快啲follow啦!
https://bit.ly/2JjSVcr