恨被狗仔隊跟!MastaMic為搵食捱過谷底

2018年06月15日 06:31
東網電視
更多新聞短片
MastaMic自爆試過出活動冇人影佢相。

饒舌歌手MastaMic早前以獨立歌手身份推出大碟《MASTAPIECE》,回想早年簽唱片公司的日子,他坦言曾被同事看不起,甚至被記者漠視:「喺頒獎禮嘅記者會,個個藝人行過都會影相,但啲記者真係跳過我,聽到我個名就唔影。都明嘅,娛樂記者覺得我冇新聞價值。」他強調不是恨影相,但亦希望有方法改善,慶幸現在得到一班樂迷支持:「覺得自己唔係咁冇價值,有人留意到自己都開心。當然依家好咗好多,娛樂記者都願意係咁意影兩張,好多謝大家!」他笑言想被狗仔隊跟蹤,可惜至今仍未試過:「我錄音室隔籬就係時鐘酒店,不如下次我返嚟就寫我去時鐘酒店!」

提到在新碟製作過程陷入情緒谷底,MastaMic直言最差時想過放棄:「對自己好冇信心,唔知咁做work唔work、咁諗O唔OK,好多呢啲問題。(有冇飲醉酒或者喊?)我好少飲酒,又未去到喊咁嚴重,但真係好冇心機,對乜嘢都好有質疑,例如鼓聲mix大聲咗係咪真係啱㗎?去到好細節,我用煩嚟形容。」最終大碟順利完成,對他來說是非常寶貴的經驗。至於是甚麼原因幫助自己捱得過?他笑說:「冇㗎,搵食吖嘛!我成日都講,without Hip Hop, I'm nothing(冇嘻哈,我咩都唔係)。」嘻哈為MastaMic帶來朋友與樂迷的支持,亦供養着他的生活:「我冇辦法完全唔做,就算有時做到好攰,都唔能夠輕易放棄。」

----------------------------
東網巨星開咗ig喇,大家快啲follow啦!
https://bit.ly/2JjSVcr