肥妹變亞姐冠軍　估吓係邊個？

無綫熱爆劇《宮心計2深宮計》中飾演太平公主的陳煒角色奸到出汁，眼神凌厲勁有霸氣，好多網民都大讚佢演技進步，仲力推佢做視后！現年44歲的她，保養得宜，有時仲不定期發放水着照，但原來佢細個係肥妹仔一名，呢家佢就上載童年照上社交網，自嘲是「一個甩牙肥妹」。

照片所見，陳煒當時6、7歲左右，正值換牙階段，所以門牙變咗兩個窿，佢又叉起腰Chok pose，有冇覺得個pose似曾相識？咪就係選美必做囉，亞姐出身嘅佢，原來細細個已經相當有潛質喇！