原來係港片迷！影帝Sunny梁朝偉上身致敬

泰國賣座片《大佬可以退貨嗎?》影帝男主角Sunny與女配角Ploymon早排來港宣傳，在首映上二人不但大曬廣東話，更與觀眾大玩遊戲。

自稱睇港產片長大的Sunny自爆最愛都係《無間道》，不斷強調自己三集都有睇晒！他說：「即使其他地方有翻拍版本，亦沒有香港拍出的味道。」Sunny與Ploymon即使已經第三次到港，但工作就是第一次，而因為在港宣傳緊密，未有時間去觀光，但他們不約而同表示最想去不同港片的拍攝場景拍照和扮演一下電影角色。首映結束後Sunny與Ploymon在港首次品嚐打邊爐，他們最愛麻辣湯，二人更親自揀海鮮。一向搞鬼的Sunny覺得餐廳有《花樣年華》feel，即刻朝偉上身，說要向香港電影致敬！