【同白只鬥貼地】顏卓靈試過着睡衣出街

2018年06月15日 14:15
東網電視
更多新聞短片
顏卓靈自認與白只平時拍拖都好貼地。

藝人顏卓靈、倪晨曦及蘇皓兒下午到銅鑼灣出席美容活動。顏卓靈直認曾為男友白只敷過面膜,當記者笑指「磈面膜要大塊啲」時,她即笑得合不攏嘴謂:「都係拍拖一定會試嘅事,旨在影吓相,冇錯,係有啲部位做唔到保養,哈哈。(男友貪靚?)我喺女仔堆中係隨意,佢喺男仔堆中係超級隨意!」

顏卓靈又指拍拖以來與白只鬥貼地:「大家都鍾意街坊裝,其實咁都好,途人撞到我哋,可能會覺得我哋冇理由着得咁casual。(你哋嘅街坊裝去到最盡係點?)去salon時,着到幾乎睡衣咁,我亦試過專登買套睡衣去上演戲堂,想relax啲。」

至於倪晨曦則放閃表示女仔拍拖容光煥發,而她自己亦經常保持心境愉快。談到為男友敷面膜時,她謂:「佢見自己皮膚真係好咗,依家都願意敷,不過我接受唔到顏卓靈咁貼地,出街點都要畫吓眉、戴眼鏡。」談到今日她以性感低胸裝現身,可擔心走光?她答:「都驚㗎,不過有做足預防措施!」