否認整容！洛兒堅稱個樣冇變過

網絡女神兼DJ洛兒最近因為成為《美女廚房》嘅學徒而人氣急升，不過「人紅是非多」，今日有網友向東網爆料，話洛兒以前叫Emmy Liu（廖樂宜），仲直指佢整容。洛兒透過電話訪問回應，表示英文名「Emmy」係媽媽小學時為佢改：「因為幾年前出嚟做DJ打碟，覺得個名唔係咁好聽，先改做『洛兒』，容易啲記嘛。（寫法都改埋？）因為另一半嘅經理人約簽咗畀簡文滌，係佢幫我改，而且睇相師傅話筆畫少啲比較旺我，睇個名都冇咁細個。」

對於被指整容，洛兒否認：「幾年前化妝師幫我化，最近有搵番個化妝師，幫我化番個妝，個樣係一模一樣。」