唐詩詠解香香不續約之謎:我有不壞之身

20180617
東網電視
更多新聞短片
唐詩詠強調沒有「搶去」岑麗香的角色,最好等當事人回港解釋。
藝人唐詩詠、姚子羚、陳展鵬、譚俊彥、陳自瑤及張文慈等下午現身馬鞍山,為無綫新劇《天命》宣傳,場面熱鬧。唐詩詠難忘拍攝該劇時「又凍又熱」:「喺北京拍外景時真係好凍,我爬咗上長城排戲,結果因為時間關係,嗰場戲最終拍唔成!」
談到有指她「搶去」岑麗香於即將開拍的新劇《解決師》內的角色,導致香香決心不續約無綫。詩詠坦言:「太誇張喇,一定唔係呢行嘅人講。我哋嘅工作係由一張長枱嘅人決定嘅。(唔開心?)又唔會,我喺是非圈工作,但唔係生活於是非圈,十幾年都金剛不壞之身喇!」
詩詠強調入行第一件工作,就是與香香拍旅遊節目:「都有諗過大家可唔可以合作拍劇,呢個圈子好細啫。(香香承認約滿,過幾個星期返香港再講。)係呀,留番佢講好過我講啦!」
----------------------------
東網巨星開咗ig喇,大家快啲follow啦!