徐小明撐中國風歌曲：我唔唱會被邊緣化
20180617
東網電視
更多新聞短片
徐小明支持中國風歌曲，希望可以傳承下去。
資深藝人徐小明為8月31號的「俠客行.豪情演唱會」綵排，表示由於與70人樂團合作，故要花較長的時間排練，每星期都要抽出數天練習，相隔五年再開騷的他，直言開騷十分辛苦：「上一次開騷，要返大陸做嘢，令我知道要好多時間準備先至可以開到騷，呢個樂團合作過一次，政府支持度不足，但我好欣賞佢哋嘅精神，樂手起碼要花錢搭車食飯，但佢哋都堅持練習，希望呢種精神不斷流傳落去。」他直言自己唱開中國風歌曲，如果自己不再唱，會令中國風歌曲更加邊緣化。
徐沅澔開新戲
被問今次開騷有否推掉工作專心搞演唱會？他直言有，並將兩個工作推至九月中才進行：「仔仔Marco（徐沅澔）有新發展，我都要幫佢，佢嚟緊會開戲，因為佢係導演系畢業，想做導演，投資人想佢參與埋幕前，係會辛苦好多，但係我哋以前都係咁啦！」Marco亦會參與演唱會的拍攝工作，兩父子會將新片延至九月中才開工，他更希望仔仔可以與他在音樂會上合唱一曲。
----------------------------
東網巨星開咗ig喇，大家快啲follow啦！