心穎冇份！馬國明數好身材女星

去年憑《降魔的》奪得「最喜愛男角色」的藝人馬國明，在古裝新作《宮心計2深宮計》中飾演不茍言笑的護國將軍任三恕，他直言演繹上難度甚高：「角色畀人一種距離感，覺得男人唔可以喊，所以演嘅時候要捉得準，有啲位專登內斂啲。」

羡慕馬浚偉

講到《宮》劇Sell女人爭鬥，馬國明表示不怕被搶鏡，認為與馬浚偉及蕭正楠的兄弟情夠吸引，而且與其他女角的發展環環相扣。他又笑言每日開工見到美女如雲，絕對是眼睛吃冰淇淋：「冇嘢做嗰陣望吓都養眼啲，個個都好身材又靚喎！今次賣點之一係有出浴戲，但我冇得睇，皇上馬浚偉就多啲艷福囉！我記得有場戲周秀娜（娜姐）出浴，我畀對頭人引咗我入去，先有幸見到娜姐膊頭咋！（覺得邊個女藝人最好身材？）周秀娜、劉心悠、胡定欣、陳煒都好好，因為唐朝啲衫幾低胸。」竟然數漏女友黃心穎？他解釋說：「哦…因為心穎演宮女比較密實，冇佢哋咁性感啫！」

現實冇人暗戀

劇中心穎暗戀馬國明，拍攝時兩人向外宣稱「發展中」，問到感情戲是否更得心應手？馬國明說：「係演個角色，就算其他人演都做到呢份感覺，當然佢演可能（感情）會更快到。」他透露兩人在戲中有咀戲，指當時已過了曖昧期，因此感覺Sweet而不覺尷尬。對於總監製梅小青讚他主動帶心穎入戲，馬國明笑言是出於私心：「大家同一條線，幫佢亦係保障自己，所有演員都想自己條線最好睇，一定要有呢個鬥心，套劇先好睇。（覺得心穎演成點？）好聰明，有時拍咗一Take想佢改啲咩，即刻就Get到。」問到現實中可有跟角色一樣被靚女暗戀？馬國明笑言未發生過，因自小已是波牛及悶人，幸好可在拍戲中感受被暗戀的滋味。

場地：Kyoto Joe