溫碧霞冧豬畀老公縱壞：我好任性佢冇脾氣
20180620
東網電視
更多新聞短片
晒死人咩！
騷後溫碧霞（Irene）接受訪問，大呻唔捨得結束，好失落：「今次演唱會真係花咗好多心機，由揀歌到練歌咁長時間，真係好多謝身邊嘅人幫我，有好多人頭先都忘記咗多謝，今晚真係好開心，有好多好朋友、Fans嚟支持自己。」
講到老公何祖光上台獻花的一幕，Irene甜笑話事前全不知情，又再次多謝老公支持：「無論係工作上，抑或生活上都係咁支持、咁錫我，我好任性佢都冇發脾氣，得我有脾氣，可能我係最細，由細到大Daddy、Mammy都寵我，有好多時都唔係咁識諗人哋感受，之後會慢慢改變自己性格。自己喺結婚後多咗時間陪家人，正如頭先同阿嬌講，一個女人幾叻都好，最緊要有錫自己嘅人喺身邊，所以真係好戥佢開心。」
問到之後會否考慮於內地開騷？Irene開心透露正洽談中，不過就要睇時間，始終都會將演戲放第一位：「知道內地都有好多Fans，希望喺其他地方演唱。」一場其實係咪唔夠喉？她笑言：「一場夠啦！咁先矜貴，反應好先繼續。」
----------------------------
東網巨星開咗ig喇，大家快啲follow啦！