32歲吳雨霏一索得男　母子平安

現年32歲的Kary（吳雨霏）和丈夫洪立熙（Brian）在2015年結婚，兩人婚後相當恩愛，前年Kary經歷小產之痛，幸得老公在身邊陪伴走過陰霾，重新出發再造人，努力多時今年2月終發放相片報喜，宣布造人成功。早前Kary生日更與老公、好姊妹鄧麗欣（Stephy）同區文詩（Angela）齊齊慶祝，當時Kary已經肚大如籮，隨時生得！今日傳來喜訊，據知昨日傍晚Kary順產誕下麟兒，兩夫妻一索得男！

Kary回覆東網：「BB出咗世，不過我好累，需要想休息。代我多謝大家關心！」其後好姊妹Angela回覆東網恭喜Kary，希望Kary身體快啲復原：「恭喜晒！希望BB健健康康、Kary身體快D（啲）復原！現階段等Kary休息一下先啦！」而Stephy：「好開心呀！希望BB健健康康！Kary好好休息！身體快D（啲）復原！」另外楊愛瑾（Miki）亦有回覆：「恭喜Kary！恭喜成為媽咪！亦祝一家人健健康康！」