內地瘋傳被拉　張衞健：我搬緊屋

有一段藝人張衞健的片段在網上瘋傳，影片見他被多名穿上制服的壯漢包圍下離開場館，有指他因涉毒被捕。

張衞健接受東網訪問否認有關傳聞，他表示正身在香港忙搬屋，更已在社交網站發文澄清，圖文並茂表示正為搬屋的行李煩惱：「我依家喺香港搬緊屋，好多嘢要執，成手都係嘢唔得閒理呢件事，依家個指模認證仲壞咗，搞到我仲要等人拎鎖匙嚟開門！（會否擔心得罪咗人？）呢個世界好多人亂拎嘢嚟玩，真定假嘅一眼就睇得出！（段片本身係咩活動？）只係之前出騷，啲公安同保安陪我出入啫！」張衞健又認為網上傳聞得啖笑：「唔會嬲啦！成日畀人傳，之前仲傳過我胃癌，又話我離開娛樂圈。」

不捨得放棄粉絲的禮物

另外，張衞健在微博留言：「今天是搬家的大日子，很開心，因為藉着搬家我終於下定決心扔掉一些囤積在家裏的東西，據說常常扔掉一些不必要的東西可以讓人更快樂，不過很多粉絲送的東西我還是打包了捨不得扔！」