尊尼特普身家蒸發50億　月買紅酒夠買歐洲車

賣座片《魔盜王》系列男主角尊尼特普（Johnny Depp）近年負面新聞不斷，他早前罕有邀請《Rolling Stone》雜誌記者到其倫敦寓所做訪問，期間一邊飲酒食煙一邊真情剖白，坦承多年來拍戲所賺的50.7億港元，因為財政管理不善，差不多全部已經蒸發。尊尼談到控告財務管理公司疏忽與詐騙的官司，表示：「真相係充滿背叛。」他透露財困影響到兒子Jack時，忍不住流淚，一邊抹眼一邊說：「我個仔要喺返學時聽到同學講，佢老竇點樣冇晒啲錢。咁樣真係唔掂。」

尊尼又談到前妻安芭赫德（Amber Heard）2016年申請離婚、財政問題、加上母親Betty離世，令他大受打擊：「我低落到一個極點。我每日都好難承受嗰種痛苦。我每朝都會倒自己一杯伏特加，之後開始寫自傳，寫到眼淚水多到令我睇唔到頁紙。我一路喺度諗，我做錯乜嘢要有咁嘅後果。我嘗試對所有人都好，幫助所有人，對所有人都真誠。真相對我係最重要。然後呢啲嘢就發生咗。」當初他準備與安芭結婚，至親好友也反對，又提醒他如果他真的要結婚，至少要簽婚前協議，但他沒有聽進去。

尊尼更沒有隱瞞吸毒經驗，自言愛服用安眠酮，更喜歡後來的改進版：「你一係會想微笑，同朋友好開心，或者你會想搞嘢，或者打交。」對於財務管理公司指他一個月花23.4萬港元買紅酒，他誇口回應：「話我花23.4萬買紅酒係好侮辱，因為我根本花得仲多。」