安志杰為囝囝推Job JC順產誕8.8磅超級巨B

20180622
東網電視
更多新聞短片
8.8磅巨B,仲要係順產,JC叻女!
藝人安志杰與名模Jessica C.(JC)的第二個愛情結晶品於本月19日面世,安志杰透露經理人報喜訊,透露今次BB仔是超級巨B,說:「BB重8.8磅,長53cm,連醫生都表示近期甚少咁重磅嘅小朋友,JC選擇順產,一切畀想像中順利,只用了十幾分鐘就順利生產,全家都十分高興,安志杰全程陪老婆生B,生完第一時間讚JC係偉大的媽媽。」
改名做「貓王」
此外,安志杰為了BB出世,推了不少工作,依家湊個好字,囝囝改名Elvis,同已故美國搖滾樂巨星「貓王」皮禮士同名。
家人特登由外地飛香港見BB
問到會否追第三個?安志杰透露等上天安排,但如果追亦希望等兩個小朋友再大啲先。另外,他又透露全家都好開心新生命到了,最難得JC嘅阿姨專程由美國坐咗18個鐘頭機來港,令JC大為感動,而安志杰媽咪同細妹亦特登由外地飛過嚟睇BB出世。安志杰說:「真係好幸福,多謝上天送我一仔一女,非常滿足。」
Tessa見到細佬都眼濕濕
安志杰又謂女兒Tessa雖然只得兩歲,但當見到細佬眼眨淚光,還親吻咗細佬一下,好有做家姐嘅感覺,深信兩姊弟感情會好好。BB順利出世,緊張爸爸安志杰亦將全面復工,月尾將會在港拍電影。而安志杰都好有心為囝囝自製一條短片,片中佢多謝一對仔女,仲大讚JC係「Amazing Woman」,更深情示愛講:「I love you!」