警署備案　伍淑怡擔心人身安全

模特兒伍淑怡（YoYo）在社交網發文及上載一段電話對話錄音，聲稱在街上遭警察截查身份證時被「抄牌」，事後更提出做朋友的要求，YoYo覺得對方明目張膽「識女仔」，事後疑似警員的男士更來電要求「進一步」做朋友，又打出「你明我明」的暗示字句，YoYo雖搵女性朋友扮演自己與該男士對話，但亦擔心事件公開後，倘若對方因而失去工作，會對她和該朋友不利，故特別到了旺角警局報案。

唔知香港法例？

經過約一個多小時後，YoYo步出警局，接受東網訪問時稱因擔心人身安全而報案：「同咗警察講，佢話件事唔知涉及乜嘢刑事，問番我想點，我只係普通巿民，唔知香港法例同警隊程序係點，應該話番畀我知可以點做。後來佢建議我去投訴科，畀咗電話我，但我要求備案，因為件事我甫咗上網，佢（疑似警員嘅男士）最後仲叫我send張靚相畀佢，初頭我都見到佢電話有頭像顯示，依家冇咗，所以我決定報案。我都唔知有咩事發生，因為我同女性朋友一齊住，都要保護自己同朋友，如果我搞到佢冇咗份工，佢又結咗婚，係雙重打擊！（心情如何？）好驚呀，不過啲警察都好好人，未去前好多網民話旺角警署發生過好多事，叫我唔好單獨一個人去報案室，所以搞到我好緊張，尋晚我都冇瞓過！（最後都揀咗嚟呢度報案？）件事邊度發生就要去番邊度報案。（警方受理？）係我要求備案，只係幫我紀錄咗，佢哋建議我去投訴科，嗰邊先可開File，而且有單獨房傾，私穩高啲！（有冇擔心佢唔係正式警察？）我又冇諗過，佢着晒軍裝又有Walkie（對講機），只係冇戴帽。（有冇見到冇警員號碼？）當時我睇緊電話，又畀人查身份證，所以冇留意到！」

警方：必嚴正處理

警方發言人表示，已知悉事件，今日（22日）下午一名女子亦就事件前往旺角警署備案及向投訴警察課投訴。警方會按既定程序公平公正跟進處理。警方非常重視人員的操守，如證實有人員違規，定必嚴正處理。據了解涉事警員未婚，屬旺角警區巡邏小隊案件會交由警方投訴警察課跟進。

----------------------------

東網巨星開咗ig喇，大家快啲follow啦！

https://bit.ly/2JjSVcr