服務無綫40年！潘嘉德自爆離巢原因

資深監製潘嘉德出席《刑事偵緝檔案》23周年台前幕後飯局，他笑言今次是試金石，透露今次沒辦法通知所有演員，希望25周年可以辦一個齊人、更大型的聚會，他亦很有心，帶同當年眾演員簽了名的紙扇前來，他謂：「好開心可以睇到公司重播呢套劇，一路睇啲回憶都返晒嚟，大家都好努力去做，成績係大家嘅！」而之前他監製的《鑑證實錄》都搞過演員飯聚，劇集當時有劉愷威及何寶生等，他希望此劇都可以重播，讓大家回憶一番。

換方式合作

潘嘉德現時已離開無綫，屬自由身，年尾會開拍無綫一套電視電影，他坦言是因自己有一些計劃，故提前和平離開。服務無綫40年的他，笑言公司出糧準，可以由興趣變成終生職業很開心，提到有指無綫炒人，他表示沒留意。問怕否有人揣測他是被炒時，他笑謂：「如果係就一早畀人炒啦！以前同公司一年約、兩年約咁簽，簽到依家，只係換轉另一種方式合作。」