行内衣騷晒弗Body！Lea T.自爆款式偏好

斯洛伐克女模Lea T.為理大的內衣時裝展演繹內衣，大騷其34C傲人身材，她表示已是第五年為這個時裝展擔任模特兒：「雖然我覺得自己係fashion model，但經常都會畀人邀請行內衣同泳衣騷，我唔係投訴，我好enjoy。（覺得啲學生設計點？）每年嘅設計都愈嚟愈靚，啲學生好有才華，我好鍾意身上呢套，着到我好似公主咁。」

鍾情喱士款

問她平時喜歡着甚麽款式的內衣？Lea指香港人喜歡着push up bra，但自己就唔鍾意，因為冇需要：「我鍾意喱士款，感覺好女性化，同埋會着運動型內衣，因為我經常做運動。」至於會否有興趣設計內衣？她坦言不擅長畫畫，冇設計天分。