擁有33E逼爆身材的張沛樂（沙律）及32D人妻趙詠瑤（Kimi）將在書展推出寫真遊記，以多個造型配合台灣不同景點，將以圖文並茂記錄台灣之旅。Kimi表示很多女仔旅行後會反面，但兩人卻愈玩愈夾，因此想分享相處之道，望得到女讀者共鳴，書中亦有大量晒身材的靚相吸引男Fans，有信心男女通殺！

被Kimi「性騷擾」

兩人今次有30多個造型，每日換衫換到手軟，除有索爆睡衣及內衣Look，更有民族服裝及可愛小雲Cosplay，盡騷可塑性，其中一個造型沙律更「漏奶」，非常性感。Kimi的D Cup本已夠晒睇頭，但面對沙律的E Cup導彈，她亦俯首稱臣笑言：「最大尺度嗰輯相要買書先有得睇，係我哋兩個浸溫泉，咩都冇着全裸互影，鏡頭後大家咩都睇晒，乳貼都冇貼，啲甫士好自然流露，當然走光嘅相會刪除啦！」沙律笑言Kimi相當麻甩，不停向她「性騷擾」品評其身材：「除咗拍攝，我哋為咗慳時間仲會一齊沖涼，今次真係豁出去，未試過畀人睇清光，佢成日講住我身材點，好彩佢係女仔咋！」

小雲Look撞樣

沙律則表示今次全靠Kimi幫她完成出書夢：「我本身冇諗過自己會出書，但Kimi畀動力我，佢又叻襯衫，又有出書經驗，所以我信晒佢咩都交畀佢處理。」Kimi笑言兩人愈對愈似樣，當中的小雲Look，不少朋友都分不清：「聽到人哋話我同好朋友似樣，問係咪真姊妹，呢種感覺好開心！」

Profile

張沛樂（沙律）

三圍：33E、23、35

身高：1米63

趙詠瑤（Kimi）

三圍：32D、25、36

身高：1米58