堅拒全祼！「珠寶女神」劉芷希談「性」經

藝人劉芷希（Kimmy）上年由馬來西亞來港發展，參選珠寶小姐成功奪冠後入行。最近佢破格演出避孕套廣告，當中大晒33D導彈上圍及44吋長腿，因而獲封為「珠寶女神」。雖然要為廣告大談性話題，但佢直言毫不尷尬：「作為成年人唔會避談呢方面嘅話題，因為大家都需要知道相關資訊，好似要做足安全措施，以免有唔開心嘅事發生，呢啲係常識嚟唔會怕講。」

至於，講到「珠寶女神」稱號，佢笑言身材唔算特別好，又話無意行性感路線：「我都想行氣質、有性格嘅路線，只係有時工作需要，先會偶爾健康性感。（性感嘅底線去到邊？）最盡係着三點式，接受唔到唔着衫，因為我份人比較傳統。」

單身嘅Kimmy無王管，難怪頻頻性感演出，唔怕另一半詐型。講到擇偶條件，佢表示：「希望搵到一個理解同支持我工作嘅人，同埋我都會睇外表，對方個樣要順眼，仲有性格細心，最緊要係大家相處時有化學作用。」

泳衣：Nami

Profile

身高：175cm

體重：53kg

三圍：33D、25、35

作品：電影《一家大晒》、無綫劇集《特技人》及《十二傳說》等