吳業坤日本拍MV唔使考察AV：嗰啲好清楚啦！

歌手吳業坤與李晧軒到大埔一間中學出席職安健活動，與學生玩遊戲及唱歌，台下反應非常熱烈，叫聲震天！吳業坤坦言自從做新人的兩年後已很少做school tour，最近拍完劇就可以宣傳新歌《精裝追女仔》：「學生嘅反應好真摯，好開心。（女仔反應大啲？）暫時觀察女仔係熱烈啲，男仔可能淨係坐喺度睇。」他指中三時王菀之及Shine曾到其學校演出，形容是很美好的回憶：「所以我都知大家鍾意玩咩。（當時你好瘋狂？）我哋有個『起哄』傳統，成班人大叫咁歡迎個歌手。」

說到8月將拍新劇，吳業坤透露會飾演警察，希望由170磅再減多幾磅，為角色做轉變。問到開劇前可會去旅行？他說：「會呀，之前去日本拍MV，認識咗當地事務所嘅人，想了解多啲。（AV？）嗰啲好清楚㗎啦，想了解多啲音樂工業，依家都有同日本音樂人做cover，我都學緊日文，希望識多啲音樂人，除咗放鬆仲想見識吓。」