唱歌講道理 曾樂彤由KOL進軍樂壇
20180707
東網電視
更多新聞短片
英皇今年力捧的樂壇新人曾樂彤，得男友護花挺身抗網民狙擊，令她暖在心頭。
由KOL化身歌手的曾樂彤，一直有不少追隨者，更獲得英皇垂青，成為今年力捧的新人。她坦言做YouTuber跟做歌手是兩回事，最初公司問她可有興趣做歌手，她考慮了一段長時間：「我對自己有一個疑問，無啦啦要成為一個專業嘅歌手， 我要一個原因畀自己，冇可能話我鍾意唱歌就可以做歌星。（好多人恨做歌手都冇機會？）正因為機會難得， 我先要更加考慮清楚，如果我行到嚟呢步，都唔知自己做乜，咁樣成件事仲差。」
冇膽單身旅遊
如今她終於給自己找到答案， 就是將唱歌當做一個媒介，正如做KOL拍片一樣，她說：「我拍片係想帶出我想討論嘅議題，我一直好鍾意廣東歌，除咗抒情歌，我都好想用歌曲講到人生哲理，希望將來我啲歌能夠有咁嘅效果。」首支派台歌《單身旅遊日誌》並非一首情歌，而是講一定要經歷過高低才會做出決定。她坦言未試過獨自去旅行，因為她直認是個膽小的女孩：「如果我一個人去日本會好驚，因為我同朋友一齊都會搭錯車，如果自己一個人去應該返唔到香港。」
男友精神上支持
對於網友批評歌藝，她表示一些有建設性的意見，即使是負面， 也會回應並加以改進，但無理攻擊就不作回應了， 她說： 「咁樣係對支持我嘅人唔住，因為唔想佢哋覺得我將呢啲攻擊或者負面評論放大。」
至於男友游學修為護花曾作出反擊，問是否好冧？她卻顯得避忌：「家人同朋友嘅支持已經足夠。（男朋友點支持你？）佢精神上有支持，大家係同一行，工作同埋私人嘢盡量分開，免得難做。」
場地：elixir x still house HEAVEN
髮型：Zap Tang@Essensuals.hk
服裝：clemenceworld@camper
----------------------------
東網巨星開咗ig喇，大家快啲follow啦！