征服恐懼！畏高劉穎鏇玩自由落體嚇到喊

藝人劉穎鏇（Tiffany）為無綫節目《學是學非》表演高空跳，仲將過程放上社交網同網民分享。片中見到有畏高症嘅Tiffany好耐心咁聽指示，始終呢種自由落體有別於笨豬跳，冇任何繩索束住。雖然下面有兩層安全網，但係咁高跌落嚟都咪話唔驚！落到嚟Tiffany忍唔住喊，即刻獲「是非精」成員鄺潔楹攬攬呵番！Tiffany仲以英文喺片中留言：「我一生中做過最可怕嘅事情之一......呢個係整個自由落體嘅過程，我向自己證明咗恐懼係可以被征服。」唔少網民大讚Tiffany好勇敢，仲叫佢繼續努力！