二揀一！王宗堯險裸拍同志肉搏文藝片
多年來都有人邀請藝人王宗堯拍同志戲，早年他亦曾拍過一條講述同性戀的電影宣傳片，尺度相當大膽：「當時覺得好鬱結，因為要同一個唔係咁專業嘅外國人『肉搏』，佢全裸咁滯，我都有個鏡頭接近全裸，係導演好大膽要求，但拍咗Teaser（預告片）後就冇拍到部正片，套戲係導演嘅親身經歷，佢後來過咗身，事隔好耐先再開拍，咁啱嗰陣阿Mark（胡耀輝）又搵我拍戲，兩部戲都係三級片，咁我第一部三級片係獻畀一部文藝片，定係一部網上比較偏門嘅喜劇好呢？我睇完劇本之後，我相信阿Mark，結果我就畀咗《一路向西》嘞。」王宗堯在拍戲方面對題材抱開放態度，他亦希望可以拍一些以同志為題材的迷你劇系列。
台灣演員江常輝有份參演BL神劇《HIStory》第二季的新單元《是非》，之前他來港宣傳，在活動上重遇「師兄」王宗堯（Greg）。王宗堯早年簽約台灣經理人公司，到他打算返港發展時，江常輝剛好「入門」，二人做過一段很短時間的同事，所以當日他們在香港活動碰頭，即打招呼互相問好，王宗堯更讚台灣劇集的風氣比較開放，可以容納同性戀題材的作品。
----------------------------
東網巨星開咗ig喇，大家快啲follow啦！