曾任體育阿Sir　歐陽偉豪出書推廣運動

節目主持歐陽偉豪（Ben Sir）出席出版社的書展新書巡禮活動，透露將推出關於運動的書籍。他又笑指外間已忘記他曾任體育老師，故望透過該新書不斷提醒大家，更謂：「希望趁住世界盃個勢推行運動普及，我本身唔係運動家，冇一樣運動叻，但教師都知入面有幾個範疇，希望個勢可以延續到2020東京奧運，咁我出年又可以出第二本書。但大家如果要買樓，又可以睇我另一本書參考，我有晒成個文化系列。」

提到他在書展出新書，問到可有擔心不夠女星出的水着寫真搶手？他表示不擔心，又指日內將為出寫真的模特兒伍倩彤宣傳：「因為我哋會有個活動一齊chit chat，但未知內容講乜，同埋下個月又一齊拍網劇，佢做我助手。」