趕BB出世前註冊　Dash＠Mr.唔急搞婚禮

樂隊Mr.的bass手Dash（譚健文）早前在社交網自爆快要當爸爸了，去年初他向拍拖4年的女友Joan求婚，當日他聲稱已在外國秘密簽字，但兩人近日正式在香港入紙申請註冊結婚，在婚姻登記處的擬結婚通知書上，見到他的未婚妻Joan今年29歲，任職餐飲部主管。

Dash接受東網回覆指計劃9月中註冊，當日冇諗住請圈中朋友觀禮，可能只安排雙方家人食餐飯，待小朋友出世後明年再補辦，不想太急去搞個婚禮。他指未婚妻雖然係澳門人，但喺香港出世，目前Joan喺澳門工作。他坦言置業係佢目標，但香港樓太貴，他說：「買樓真係唔容易，要睇得穩陣啲，諗得周到啲先決定，暫時都係我兩邊走辛苦啲，依家我同父母住，裝修緊間屋，因為都要擺得落張BB床。」

Dash說：「未婚妻英文名係Joan，不過啲朋友叫佢Joana，其實冇乜所謂，喺外地註冊還外地，喺香港始終要做番註冊呢一環，因為小朋友會喺香港出世，所以要註冊先，因為我個人比較老土，覺得有番個名分負番個責任。」

----------------------------

東網巨星開咗ig喇，大家快啲follow啦！