唔符合港姐標準?蔡優美晒英文唔怕被打擊

2018年07月12日 19:00
東網電視
更多新聞短片
EQ高兼有自信,都係內在美,加油!

今屆港姐尋日去到複試階段,當中有「大肚葉蘊儀」之稱嘅蔡優美成功入圍,引起唔少討論,包括針對佢嘅樣貌及身材,被指唔太符合港姐標準。面對網上嘅負面評論,蔡優美今日喺社交網以英文撰文回應,佢表示唔會畀負能量打擊,為咗家人同朋友會一直堅強同勇敢,相當高EQ!佢亦上載咗多張相,見佢着上低胸裙晒心口,足見自信爆棚!

蔡優美留言意指:「無論我點樣選擇過我嘅生活,依然會有人批判我,但我知道有其他人愛我,永遠支持我。為咗媽咪,為咗我所愛嘅人,我會一直堅強同勇敢,唔會被負能量打擊。我好感激擁有嘅一切,好感謝所有人,無論係支持我定點,都會成為我今次美好嘅體驗。」