吳日言大肚甩底　茜利妹單拖開Talk Show

年底開首個個人Talk Show的前DJ茜利妹，原先其實是計劃開畫展，由畫展變Talk Show，她說：「我開頭四出搵老細贊助開畫展，抽象油畫、人體掃描，輾轉得到依家主辦單位老細話：『開乜鬼畫展吖！開Talk Show啦！』」於是轉而孖着好友吳日言（Yan）一齊做Talk Show，誰知Yan宣布懷孕，預產期剛好撞正年尾。茜利妹笑言被飛，現在惟有單拖做騷，她説：「想同Yan搞個『女子棟篤笑雙打』，不過佢要繁殖，冇計啦！後尾都有問過谷祖琳，點知佢反問我：『可唔可以唱幾首歌，講少少嘢……」嗰啲叫演唱會囉！』單拖開騷的她，早前請來多位好友為她拍攝打氣短片，包括金馬導演張經緯、藝人袁偉豪、張繼聰、谷祖琳、歌手王菀之、蕭潤邦、江若琳等，王菀之短片中稱茜利妹「中女」多智慧，會有很多有趣又浪漫的人生經歷分享；蕭潤邦和江若琳則說：「你個Talk Show雖同我哋婚宴撞期！但我哋仍然大力支持你講賤嘢！笑番餐！」谷祖琳則搞笑說擔心棟篤笑的票房。