連點餵奶都講埋!吳雨霏同粉絲玩Q&A

2018年07月13日 02:02
東網電視
更多新聞短片
人母Kary同Fans玩問答遊戲!

歌手吳雨霏(Kary)上月誕下囝囝Asher,之後就留喺屋企專心坐月兼照顧BB。呢日佢更新社交網晒出囝囝嘅近照,相中雖然只係見到Asher嘅側面,但見佢耳仔細細,加上媽媽捉起佢嘅小手仔,真係非常可愛。

Kary仲透過社交網同咁多位粉絲大玩問答遊戲,有網友問佢咩係母愛,佢就搞笑咁話母愛就係每日都要早兩個鐘起身餵奶,雖然係咁,不過佢依然好享受做媽媽嘅感覺。至於問到有冇好掛住舞台上演出嘅感覺,佢就表示好掛住佢嘅音樂以及粉絲,仲話等緊上天畀佢一個好嘅時機,似乎有為產後復出作打算。佢仲話網友問咗好多好好嘅問題,並指要用餵哺母乳嘅時間逐一回答。