反季節時尚!鄧紫棋為靚無視高溫

2018年07月13日 11:00
東網電視
更多新聞短片
G.E.M.同潘瑋柏互開玩笑。

歌手鄧紫棋(G.E.M.)一向都係「空中飛人」,Job接Job密密撈,呢日佢終於有時間返香港休息吓、出吓街。G.E.M.留言:「很少逛街…真的很少…終於有一個晚上 #這兩天回來喘喘氣 #但其實還是寫了大半首新歌 #明天又開始超級無敵忙」

相中見G.E.M.着上白色長袖衛衣,網民都忍唔住問佢到底熱唔熱?香港成三十幾度,小心中暑喎…而好友潘瑋柏都有留言,仲搞笑地話:「穿那麼厚 才會喘吧」點知G.E.M.就踢爆對方,反話佢成日拎住風扇仔周圍走。不過明星fashion呢家嘢,俗語都有話「要靚唔要命」,有時為咗造型反吓季節都冇所謂嘅?另一張相就見到G.E.M.盤腿坐喺梳化上,佢自爆:「牛仔褲的破洞就是被我這樣子坐大的!」真係好盞鬼!