華裔導演朱浩偉落實執導泰國少足事件電影　

泰國少足隊山洞遇險經歷震撼全球，近日有傳荷里活電影公司爭相拍攝相關電影，將真人真事搬上大銀幕，其中一部由製片公司Ivanhoe Pictures主導嘅電影，已率先公布由華裔導演朱浩偉執導！荷里活拍有關亞洲主角嘅電影時有「白化」問題，即係搵外國影星擔正，朱浩偉就於社交網Man爆留言，表示自己執導之下，唔會容許有「白化」情況！

朱浩偉曾監製多部《舞出真我》（Step Up）電影，執導《義勇群英之毒蛇反擊戰》（G.I Joe：Retaliation 3D）、《非常盜2》（Now You See Me 2）以及《我的超豪男友》（Crazy Rich Asians）等，分別與韓星李炳憲、天王周杰倫以及楊紫瓊合作過，於社交網表示希望如實呈現救援事件，更呼籲其他想拍同主題電影嘅人唔好亂嚟：「呢個係關於人類互相幫助嘅故事，任何對個故事有興趣嘅人，最好正確地同尊重地進行呢個工作。」

Ivanhoe Pictures主席John Penotti表示佢哋獲當地海軍同政府選擇進行拍攝，現正與泰方高級官員商談。