佗B起水泡！岑潔儀被囝囝傳染手足口病

育有一子嘅藝人岑潔儀（Zoey）早前宣布再懷孕，現時佗B約五個月多。今日佢喺社交網上載咗一張性感相，相中佢僅以內衣上陣，並披上白色薄紗外套，仲見佢一臉幸福摸住巨肚，左手則戴上巨鑽，相當搶眼！

不過，Zoey自爆影呢張性感寫真時其實病得好嚴重，佢表示：「懷二胎真是不容易，身體特別多狀況發生，小老闆之前學校讀的那一班有兩個同學感染手足口病，我已經即刻停止他上學，但最終他都輕微感染，而我就好嚴重…口至少有五粒痱滋，手掌和腳都起了很多紅色小水泡，是很痛的，一接觸到紅點就很痛，捱了一個星期才好，孕婦抵抗力真的特別差，已經過了一半路程，希望接下來順利平安，無（冇）病無（冇）痛，健健康康生一個肥肥白白的小寶寶。」而同為人母嘅孫慧雪同藝人唐貝詩等亦有留言，提醒佢要小心身體。