憎狗論惹民憤 鍾晴認衰:口不擇言

2018年07月13日 14:22
東網電視
更多新聞短片
鍾晴講錯嘢知衰,立即公開認錯。

藝人鍾晴(Karlie)的「憎狗論」被網友圍插,她接受東網訪問時坦言沒有想過自己的言論引發爭議,現在感到擔心及驚恐,由於小時候有畀狗咬過留下陰影,所以在節目上講到狗的話題時較激動:「喺我五歲嘅時候畀親戚嘅狗追住,咬過腳趾尾,所以對狗有陰影。」

自我警惕說話會影響到人

Karlie澄清自己並非歧視或者憎狗,只是「怕狗」,但承認將狗形容為『乞人憎』是用詞不當:「我冇經思考就衝口而出講咗,我以後會小心用字,對唔住愛狗之人,令到佢哋覺得唔舒服,下次會小心。(你係兒童節目主持,話你教壞細路?)因為當日個節目(《兄弟幫》)太輕鬆,現場又冇小朋友在場,可能有少少口不擇言。」

問可會感覺自己被圍插好慘?Karlie回答:「唔會,事出必有因,啲人唔會無啦啦鬧你,係我講嘢令佢哋唔舒服,係我冇顧及佢哋感受,我經常都忘記咗自己係藝人身份,會警惕自己每句說話都會影響到人,上咗一課。(話你冇腦?)我都有思考過呢個問題,我係冇修飾啲用詞,下次講嘢會圓滑啲。」

Karlie已經看過自己社交網上網民對她的留言,並強調以後會慎言謹行,會做好自己,不會犯同樣的錯。



----------------------------
東網巨星開咗ig喇,大家快啲follow啦!
https://bit.ly/2JjSVcr