唔認同鍾晴！莊思明：狗點會乞人憎

家中養有五隻狗的藝人莊思明（Lisa）對於鍾晴的「憎狗論」表示，她覺得一個人喜歡狗與否是不能強迫，亦不認為不喜歡狗就是衰人，但對方的言論的確會令人覺得不尊重生命及動物，而身為愛狗之人的她亦坦言聽完感到不舒服：「我會諗狗點會係乞人憎，點都好過啲心地差或者講嘢令人唔舒服嘅人，佢自己怕狗，佢係唔會明白我嘅心情，我由細到大都有養狗，我覺得狗真係好可愛嘅人仔。可能佢一時唔小心講咗，冇諗得好清楚就將啲字眼講出嚟，佢唔應該用嗰啲字眼去形容啲狗仔，因為好多人覺得狗係人最接近嘅朋友。」Lisa稱尤其對方是兒童節目主持人身份，就要更加小心言行：「可能佢會影響到小朋友，以為工廠區嘅狗就係污糟同乞人憎，希望佢下次要小心啲。」