大S被鬧做作 汪小菲Man爆護妻

20180713
東網電視
更多新聞短片
汪小菲Man爆護妻!
台灣女星徐熙媛(大S)同老公汪小菲最近參加內地真人騷《幸福三重奏》,喺節目中有唔少甜蜜互動,令人相當羨慕!其實佢哋兩公婆拍攝節目時,正正經歷咗大S不幸小產一事,當時佢嘅心情比較低落,所以情緒較易波動,點知惹來負面批評,被指「易喊」、「做作」等。
汪小菲尋晚喺微博發文,man爆反擊網民指:「很多時候都是女人要做家務活,要取悅自己的男人,好像連撒個嬌都說是作,問個問題都像不正常,當著(着)老公面兒哭都不行。好好想想,到底是誰不正常,正常的男女關係不就是應該讓自己的女人開心,撒嬌,偶爾被考驗一下嗎?口口聲聲探討男女平等的時候,請先把自己擺在平等的位置上吧!」果然係「愛妻號」,就連小S都忍唔住轉發貼文撐姐夫,仲大讚:「小菲很男人,真正的男人!」
至於大S嘅心情似乎冇受負評而影響,尋晚依然喺網上現身,仲「出賣」老公、晒出佢嘅長腿照,大放閃光彈!