拉姑生仔秘方贏口碑 祖藍睇清宮圖行房

2018年07月13日 15:46
東網電視
更多新聞短片
據悉,祖藍與亞男是按照「清宮圖」的時間行房。

藝人王祖藍同老婆李亞男「搞」足3年,終於宣布「造人」成功,其實坊間一直流傳唔少生仔偏方,好似有跟足「清宮圖」行房,生仔邊日,生女又要睇邊日,又有人話食酸嘢容易生女,食鹼性、鹹嘢就生仔,仲有人話借人哋個薑醋煲、BB啲用品嚟用都有助生B添,總之各施各法,生仔生女有辦法!

謝賢食生蠔一索得男

聽講「星媽」狄波拉(拉姑)更有包生仔秘方,早年謝賢大爆拉姑提出在女性的安全期前兩周,要他每天食兩打生蠔,連續食兩星期,結果兩人成功一索得男,咁就生咗謝霆鋒喇!

拉姑嘅生仔心得,廣獲圈中人相信,傳聞好多紅星都有向佢請教,好似陳慧琳、袁詠儀、前新抱張栢芝等,拉姑曾表示生仔除咗要識計排卵期,仲建議男女交歡最佳時辰就係一早瞓醒覺,連牙都唔好刷住、急尿都要死忍,而男上女下嘅體位最好,女性仲要抬高膝頭,完事後女性最好用枕頭墊高Pat Pat,平瞓喺床上休息15分鐘,可以令屬於男性嘅Y精子加速游向卵子。

范瑋琪出書講生仔

影星吳彥祖嘅混血名模太太女Lisa S.育有一女,Lisa生女前承認收集過唔少生B偏方,好似行房時嘅三級體位,不過佢話:「我試過行房後將雙腳朝天20分鐘,但都唔得。」

歌手關心妍婚後恨生B恨到發燒,仲大方承認試勻晒所有生仔偏方,結果佢等足7年先圓心願,誕下女兒楊榮心。

而台灣歌手范瑋琪與陳建州2015年生咗對孖仔,范范曾經出書大談為咗生仔,身心飽受嘅折磨。當時她有吃排卵藥、打排卵針,連續兩個月進行打排卵針嘅療程,每次要打成十幾針,待醫生確定卵子增生即刻作出「衝刺時間」,夫妻二人按時努力「做功課」,最終先成功佗到孖B。


----------------------------
東網巨星開咗ig喇,大家快啲follow啦!
https://bit.ly/2JjSVcr