撐鍾晴！邵子風：香港社會好病態

藝人鍾晴（Karlie）日前喺無綫節目《兄弟幫》講咗一番討厭狗狗嘅言論，隨即引嚟唔少網民攻擊，認為佢非常唔尊重小動物。今日邵子風亦都喺網上對此事發表感受，仲撐Karlie，佢話：「真心覺得冇問題。只係覺得佢講得蠢，但唔算講得錯。你可以話佢mean、唔經大腦、冇顧及藝人形象。該言論等同於一個唔鍾意食榴槤嘅人講出佢討厭榴槤嘅原因，只係個人喜好，同佢心哋好唔好、有冇愛心，完全冇關係。」大批網民支持邵子風的說法，表示：「等同我超憎人吸煙同煙味，難道我就唔同佢做朋友？」、「胡亂公審只有更顯出自己的無知！」

邵子風仲表示：「香港人係好鍾意搶佔道德高地…點解大家唔能夠接受呢個世界係有人鍾意狗，有人唔鍾意狗呢？但係點解大家又能夠接受有人鍾意榴槤，有人唔鍾意榴槤呢？我真心覺得呢個社會好病態…就正如我以上言論，可能同樣會畀人打落十八層地獄…我擔心，但我不妥協。」