網民不應出言攻擊!陳柏宇撐鍾晴冇惡意

2018年07月13日 16:21
東網電視
更多新聞短片
陳柏宇認為鍾晴只係唔鍾意狗,網民唔應該作過多攻擊。

愛狗如命的歌手陳柏宇(Jason),太太符曉薇正佗着B女,早前Jason透露因家中兩頭愛犬經常打交,令他束手無策,因擔心情況不受控制,曾表示最壞打算可能要將狗狗送朋友家暫住,怎知該言論竟然惹來「棄養」風波,遭網民插爆要B唔要狗。

要接納不同意見

對於兒童節目主持鍾晴的「憎狗論」遭圍插,Jason回覆東網說:「我睇完條片之後,唔知佢本身有冇養狗,但我覺得唔係個個都一定要鍾意狗嘅,係咪先?我哋唔可以唔畀人哋對狗有唔同意見,如果我哋好唔鍾意啲爬蟲類,例如蜥蝪、蛇呀,覺得好核突、好恐怖,但原來有啲人好鍾意,咁唔通人哋又會話有冇搞錯呀,你哋點可以咁樣講嘢!」

覺得鍾晴冇惡意

他指貓狗是日常生活會出現的家居寵物,因此對這類動物有一種特別感情:「但我覺得大家唔需要太過去攻擊佢,因為佢唔鍾意,又或者佢覺得工廠嘅狗好污糟,每個人都有權去講自己嘅意見,佢只係發表佢唔喜歡嗰類型嘅狗,佢唔係做一啲嘢去傷害或者整啲狗,唔係因為佢唔鍾意啲狗而去踢佢一腳,佢只係驚同唔喜歡狗啫,我覺得冇得咁話人。」